გასაუბრება

ერთხელ გასაუბრებაზე ვიყავი სადაც ორი კაცი დამხვდა, რომლებიც ბურას თამაშობდნენ.

ოთახში რომ შევედი წვერებიანი ეუბნებოდა მეორეს
- დავი - მერე მე შემომხედა - დაბრძანდით.
დავჯექი.
- სე - თქვა მეორემ - მოგვიყევით თქვენს შესახებ.
მე ცოტა არ იყოს დავიბენი და კარტისკენ თვალი გავაპარე.
- დიახ, დიახ, მოგვიყევით - გამამხნევა წვერებიანმა.
- ამჟამად ვსწავლობ ჯავხიშვილის უნივერ...
- დავი - თქვა წვერებიანმა - განაგრძეთ.
- ხო, ამჟამად ვსწავლობ...
- წავიდა - თქვა მეორემ.
- ჩემი აყვანაა? - თქვა წვერებიანმა - დიახ, სად სწავლობთ?
- ჯავახიშვილის უნივერსიტეტში.
- დიახ. შემდეგ? გიმართლებს, ძაან ბანძი კარტი მომდის. - თქვა წვერებიანმა.
- უკაცრავად? - ისევ დავიბენი მე.
- არა, შენ არა - მითხრა წვერებიანმა - სად სწავლობ?
- სად უნდა ვსწავლობდე? - გაუკვირდა მეორეს - დუ.
- არა, შენ არა, ამას - თქვა წვერებიანმა და ჩემზე წვერით მიანიშნა - დავი.
- ესეიგი ჯავახიშვილის უნივერსიტეტში. ძალიან კარგი - გააწყვეტინა მეორემ - ჩემი მოსვლაა.
- დიახ ჯავახიშვილის უნივერსიტეტში და...
- დავი - თქვა წვერებიანმა - დიახ, განაგრძეთ.
-...და ამჟამად ვმუშაობ კომპანია...
- დამა! - წამოიძახა მეორემ, შემდეგ მომიბრუნდა და კეთილგანწყობილი ტონით მითხრა - ძალიან კარგი, საკმარისია, დაგიკავშირდებით. - შემდეგ გაჭრილი კარტი გვერდზე გადადო - წავიდა.