Tuesday, July 14, 2015

შოკოლადიანი ფუნთუშა

გუშინ დიდუბის მეტროსთან ძალიან მომშივდა და შოკოლადიანი ფუთუშა ვიყიდე, ტუფლის მაზებს, ელემენტებსა და სხვა საყოფაცხოვრებო ნივთებს შორის ამოვარჩიე და ვიყიდე.
ჩავკბიჩე და წავედი. ცოტა გავიარე და ნაგვის ურნებთან, თევზის და ნაგვის სუნში წვერებიანი კაცი იდგა და უწვერებო კაცს ეუბნებოდა - მაგი ბიჭო, მაგი ბიჭო, მააგი ბიჭოო, მაგი ბიჭო...
გზა განვაგრძე და ცოტა მოშორებით შავკურტკიანი ინდივიდი ჩახლეჩილი ხმით ტელეფონზე ეუბნებოდა ვიღაცას: შენ რა გეტყობა, შენ რა გეტყობა, რა გეტყობა შენ...
ბოლოს, ამას რომ გავცდი, გვირაბის ყელთან, პატარა ბიჭი სიგარეტის გამყიდველი ბაბოსგან ცდილობდა რაღაცის ყიდვას: ერთი ისა, ერთი ისაა, ერთი ისა, ერთი ის...
მე გავჩერდი, შოკოლადიან ფუნთუშას დავხედე და ნაგავში გადავაგდე, ნაგავში გადავაგდე, ნაგავში გადავაგდე...


No comments:

Post a Comment