შოკოლადის ყიდვა მინდოდა და გზის პირას, სოფლის ტუალეტის ხელა ჯიხურთან მივედი.
ვიღაცა ახალგაზრდა კაცი სიგარეტს ყიდულობდა და იმის უკან დავდექი.
- ერთი პალ-მალი, ორი კენტი და ორი პრესტიჟი - ეუბნება.
პატარა, დამჭკნარ გამყიდველ ქალს პრესტიჟი არ აღმოაჩნდა.
ეს მოტრიალდა და ვიღაცას უყვირის ჩემს ზურგს უკან.
- ბიჭოოო, პრესტიჟი არ აქვთ!
გზის პირას დამდგარი მანქანიდან ვიღაცამ რაღაცა დაუყვირა, მაგრამ პასუხი მანქანების შხრიალმა და ქარმა დაფარა.
- ბიჭოოო, პრესტიჟი არ აქვთ! - ყვირის ისევ.
პასუხმა ისევ ვერ მოაღწია.
- პრესტიჟი! აბა რა ვქნა? ა? ააა..
როგორც იქნა გაიგო, მიტრიალდა, რატომღაც ფანჯარაში თავი შეყო და მთელი ძალით დაიღრიალა
- ...და ორი ვინსტონი!
No comments:
Post a Comment