მისთვის, ვინც პუშკინზე არაფერი იცის, ძნელია წეროს პუშკინზე. პუშკინი დიდი პოეტია. ნაპოლეონი ნაკლებად დიდია, ვიდრე პუშკინი. და ბისმარკი პუშკინთან შედარებით არაფერია. და ალექსანდრე I და II და III პუშკინთან შედარებით უბრალოდ წკიპურტები არიან. და საერთოდ ყველა, პუშკინთან შედარებით წკიპურტია, ოღონდ გოგოლთან შედარებით პუშკინი თვითონაა წკიპურტი.
ამიტომაც, იმის ნაცვლად რომ პუშკინზე დავწერო, მოდი დავწერ გოგოლზე.
თუმცა გოგოლი იმდენად დიდია, რომ მის შესახებ არაფრის დაწერა არ შეიძლება, ამიტომ ისევ პუშკინზე დავწერ.
მაგრამ გოგოლის შემდეგ პუშკინზე წერა, ცოტა არ იყოს უხერხულია. ხოლო გოგოლზე წერა არ შეიძლება. ამიტომ ჯობია საერთოდ არ დავწერ.
დანილ ხარმსი
No comments:
Post a Comment