იმ დღეს ნაცნობი ქალბატონის გვერდით დამსვეს თითქმის უცნობ სუფრაზე. ვიფიქრე ცოტა ხანი ვიქნები ჩუმად, ჩემთვის, ეგერ, ჯონჯოლი რომ დევს იმით თავს შევიქცევ ცოტ-ცოტას და მერე გავიძურწები-მეთქი. ხოდა გადმოვიღე ეს ჯონჯოლი, მჭადიც მოვუდე გვერდით და ვარ ასე, თითქმის კომფორტულად. როცა მეგონა რომ საბოლოოდ დავაღწიე თავი უცნობი ხალხის ყურადღებას და ერთი ათი წუთიც თუ მოვიცდი, ჩემს წასვლას ვერავინ შეამჩნევს, მეუბნება ეს ნაცნობი ქალბატონი დამტკბარი ღიმილით:
- თამუნასაც ძალიან უყვარს ჯონჯოლი.
მე თავი დავუქნიე და გავუღიმე.
- ძალიან უყვარს, ასეთ სუფრებზე სულ ჯონჯოლს ჭამს ხოლმე - და თან ნიგვზიანი ბადრიჯნის უზარმაზარი ნაჭერი დაითრია.
- მმჰმმმ.
- სხვათაშორის ჯონჯოლი ძალიან სასარგებლოა.
- მმმ.
- ჯონჯოლი ბალახია, ხომ იცი? - თან ბადრიჯანს ჭრიდა გულმოდგინედ.
- დიახ.
- თამუნას კი უყვარს მაგრამ სულ ჯონჯოლის ჭამაც არ არის კარგი. ცოტა-ცოტა კარგია, მაგრამ ბევრი არ არის კარგი.
- თამუნასაც ძალიან უყვარს ჯონჯოლი.
მე თავი დავუქნიე და გავუღიმე.
- ძალიან უყვარს, ასეთ სუფრებზე სულ ჯონჯოლს ჭამს ხოლმე - და თან ნიგვზიანი ბადრიჯნის უზარმაზარი ნაჭერი დაითრია.
- მმჰმმმ.
- სხვათაშორის ჯონჯოლი ძალიან სასარგებლოა.
- მმმ.
- ჯონჯოლი ბალახია, ხომ იცი? - თან ბადრიჯანს ჭრიდა გულმოდგინედ.
- დიახ.
- თამუნას კი უყვარს მაგრამ სულ ჯონჯოლის ჭამაც არ არის კარგი. ცოტა-ცოტა კარგია, მაგრამ ბევრი არ არის კარგი.
ამ დროს მჭადი გადამცდა და საკმაოდ უზრდელურად ამოვიხროტინე, მაგრამ ქალს არანაირი ყურადღება არ მიუქცევია ამ უტაქტობისთვის, გაგებით მომეკიდა. თუმცა როგორც კი შემატყო რომ მოვსულიერდი, განაგრძო.
- თამუნა ძალიან უჭმელია. არა, ხანდახან ბევრს ჭამს ხოლმე, მაგრამ დღეში მხოლოდ ორჯერ, მაქსიმუმ სამჯერ, ნუ, არის შემთხვევები რომ ოთხჯერაც, ოღონდ ეგ იშვიათად, ძირითადად მაინც დღეში სამჯერ. ეგ ცუდია, ჯობია ჯანმრთელად იკვებო, ვიდრე არაჯანმრთელად. მაგალითად თენგიზი...
ამ დროს ვიგრძენი რომ ჩემში რაღაც გატყდა, რაღაც მნიშვნელოვანი, არსებითი მოკვდა.
- მაგალითად თენგიზი ძალიან ჯანმრთელი მჭამელია. სულ ჯანმრთელად იკვებება. ჯანმრთელად კვება ჯობია. აბა რა! დღეში სამჯერ უნდა ჭამო, საშუალოდ, ან დღეში ოთხჯერ, ცოტ-ცოტა, ეგ ყველაფერი კი ვიცი, მაგრამ ხანდახან მაინც ისე ხდება...
აშკარად ვიგრძენი რომ წნევამ ამიწია. ყველაფერი აჯანყდა ჩემში. სისხლძარღვის კედლის გამავლობა გამიძლიერდა კვებითი ფუნქციის მოშლის ნიადაგზე სისხლძარღვის სანათურის გაფართოების გამო და მემგონი ჯონჯოლიც ვერ შევირგე. მოკლედ შინაგანი სისხლდენა დამეწყო.
სასწრაფოს გამოუძახეთ მეთქი, მინდოდა დამეყვირა, მაგრამ ვერ შევძელი და ძალაგამოცლილი დავეცი რესტორნის იატაკაზე. გონების დაკარგვამდე ჩამესმოდა ქალის ხმა:
სასწრაფოს გამოუძახეთ მეთქი, მინდოდა დამეყვირა, მაგრამ ვერ შევძელი და ძალაგამოცლილი დავეცი რესტორნის იატაკაზე. გონების დაკარგვამდე ჩამესმოდა ქალის ხმა:
- მზე ცხელია, ნაყინი ცივია, ბალახი მწვანეა, ოღონდ გაზაფხულზე, თამუნას ემენდემსი უყვარს, ოღონდ ყვითელი, თენგიზი მაღალია, მიშა მაგარია, ყბაჩამ დაიგვიანა...
